Kryetari i Komunës së Çairit sot vizitoi Xhaminë e re në ndërtim në Fushë Topanë, një projekt madhështor fetar dhe kulturor, i cili po realizohet me mbështetjen e Presidencës për Çështje Fetare të Republikës së Turqisë. Gjatë vizitës, ai u mirëprit nga drejtori i degës së Fondacionit Turk për Çështje Fetare TEYAŞ (TDV) në Shkup, z. Fatih Kumash, me të cilin diskutoi mbi rëndësinë dhe ndikimin e kësaj vepre të madhe për komunitetin.
Ky objekt fetar, me një sipërfaqe prej 10,000 m², do të ketë dy minare të larta 48 metra dhe një kupolë madhështore 34 metra, duke e bërë atë një simbol të rëndësishëm të besimit dhe përkushtimit fetar në këtë zonë. Xhamia nuk do të jetë vetëm një vend adhurimi, por edhe një qendër shpirtërore për komunitetin, duke ofruar hapësira të denja për lutje, edukim dhe reflektim.
Kryetari theksoi se besimi është një forcë që bashkon dhe udhëzon drejt vlerave më të larta të harmonisë dhe solidaritetit, dhe se ky projekt do të luajë një rol të rëndësishëm në jetën shpirtërore të besimtarëve. Ai shprehu urimin e tij që ndërtimi të përfundojë me sukses dhe që kjo xhami të shërbejë si një vend bekimi dhe paqeje për të gjithë.
Komuna e Çairit mbetet e përkushtuar në mbështetjen e projekteve që forcojnë harmoninë fetare dhe kulturore në komunitetin tonë.
https://www.facebook.com/share/p/14fi6jE8bH/
