Afati kalimtar veror i këtij viti do të mbahet mend për disa lëvizje të bujshme dhe krejtësisht të papritura.
Disa prej emrave eminent të futbollit evropian i ndryshuan skuadrat e tyre edhe pse diçka e tillë as nuk ishte imagjinuar më parë.
Kjo vlen më shumë kur bëhet fjale për dyshen e madhe të futbollit Lionel Messi dhe Cristiano Ronaldo.
Argjentinasi e braktisi klubin e tij Barcelonën, aty ku e filloi karrierën dhe e çoi deri në majat më të larta të saj.
Numri 10 i katalanasve nuk arriti marrëveshje për vazhdimin e kontratës dhe kështu kaloi në PSG, madje si lojtarë i lirë, pra klubi francez nuk pagoi asnjë cent pr shërbimet e tij.
Lëvizja tjetër e habitshme ishte ajo e Cristiano Ronaldos nga Juventusi në Manchester United. Portugezi nuk e kishte bërë të ditur më parë që do të largohej nga “Zonja e Vjetër”. Gjithçka erdhi si befasi kur në ndeshjen e parë të Serie-A ai ia bëri të ditur klubit se nuk ka më interesim për të luajtur për këtë skuadër.
E ardhmja e tij u lidh shumë me Manchester City, por në fund ndodhi kthesa e madhe dhe ai vendosi të rikthehej në “Old Trafford” aty ku i kishte kaluar vitet më të mir atë karrierës së tij.
Manchester United luan sot ndeshjen e radhës në Premier Ligë kundër Ëolverhamptonit dhe trajneri Solskjaer nuk pritet që të luajë me Ronaldon nga minuta e parë.
Ky është formacioni i mundshëm i “Djajve të Kuq” për ndeshjen e sotme që fillon nga ora 17:30.
Manchester United (4-2-3-1): De Gea; Ëan-Bissaka, Varane, Maguire, Shaë; Fred, Pogba; Sancho, Fernandes, Lingard; Greenëood
Ndryshe nga Ronaldo, Lionel Messi pritet të zbresë në fushë sot për herë të parë me skuadrën e tij të re PSG-në në ndeshjen kundër Reims që zhvillohet nga ora 20:45.
Ja formacioni i mundshëm i PSG-së:
PSG: (4-3-3): Navas; Hakimi, Marquinhos, Kimpembe, Diallo; Verratti, Gueye, Ëijnaldum; Messi, Mbappe, Neymar
