Ministri i Punëve të Jashtme, Bujar Osmani, në lidhje me akuzat e VMRO-DPMNE-së për nepotizëm gjatë punësimit në MPJ, ndërsa në rastin e fundit, sipas partisë, bëhet fjalë për gruan e deputetit Martin Kostovski, thotë se Ministria ka mungesë të kuadrove. “Nuk ka asgjë të paligjshme në punësim. Ministria ka mungesë të kuadrove që do t’i përkushtohen punës së vështirë të diplomacisë. Punësimet e reja fillojnë me pagën minimale dhe duhen vite për të avancuar në karrierën e tyre. Është një profesion i vështirë, janë një lloj nomadësh që kalojnë gjithë jetën në vende të ndryshme. Zonja Kostovska është marrë nga Kumanova dhe tani është në një pozitë më të ulët se më parë, tha ministri i Punëve të Jashtme, Bujar Osmani. Ai tha se Kostovska është studente e diplomuar për politikë ndërkombëtare në Pragë dhe në rastin e saj nuk bëhet fjalë për shitje të ndikimit. Ai shton se ky profesion kërkon kohë për të përparuar dhe duke pasur parasysh se edhe kriteret janë të vështira, nuk ka interesim të madh për punësim në MPJ.
Osmani thotë se aktualisht ka shpallje për punësimin e 16 personave të rinj. Një rast që ka trazuar opinionin publik është rasti i prezantueses Besmira Ejupi, e cila thuhej se po përgatitej të bëhej konsull, ndërsa tashmë është e punësuar në MPJ, ndërsa ndërkohë ka marrë tarifa prej 12 mijë eurosh nga institucione të ndryshme shtetërore, për të cilat ka nisur hetimi. “MPJ ka nevojë për 50 vende pune, por tashmë Ministria e Financave ka miratuar 16. Çdo i ri që di gjuhë dhe dëshiron të përkushtohet mund të aplikojë. Ejupi është marrë nga Ministria e Sistemit Politik, siç janë marrë me ligj edhe zyrtarët e tjerë, tha Osmani për Studio 10. Për Ejupin thotë se njeh gjuhë dhe kishte certifikatë sigurie të rangut më të lartë si pjesëtare e shërbimit të protokollit në ministrinë e kaluar. Osmani shton se për honorarët e Ejupit duhet pyetur edhe VMRO-DPMNE-në, sepse kryetari i tyre e ka punësuar.
