Ministri i Arsimit dhe Shkencës, Arbër Ademi përmes një postimi në fejsbuk ka prezantuar projektin e objektit të ri shkollor në Reçicë të Vogël të komunës së Tetovës.
Ai, gjithashtu ka njoftuar se do kemi objekt të ri shkollor për nxënësit në Reçicë të Vogël, komuna e Tetovës dhe objekt të ri shkollor për nxënësit e fshatit Bllacë.
“Ja si do të duket objekti i ri shkollor në Reçicë të Vogël, komuna e Tetovës! Të arriturat e shqiptarëve mbajnë vulën e BDI-së dhe të Ali Ahmetit
Kështuqë, ju njoftoj se do kemi objekt të ri shkollor për nxënësit në Reçicë të Vogël, komuna e Tetovës dhe objekt të ri shkollor për nxënësit e fshatit Bllacë.
Ditë të mira po vijnë për nxënësit e fshatit Bllacë, të cilët nuk do të kenë nevojë më të kalojnë kurin, por do ta ndjekin mësimin në objektin e ri shkollor, i cili do të ndërtohet në një afat sa më të shpejt.
Gjithashtu, mësimin do ta ndjekin në kushte më të mira, sipas standarteve evropiane edhe nxënësit e SHFK “Naim Frashëri” në Reçicë të Vogël, komuna e Tetovës.
Ashtu siç kemi thënë, krijimi i kushteve më të mira për mësim për nxënësit tanë është prioritet i ynë, andaj dhe ky mision nuk mbaron këtu. Ata të cilët nuk kanë kapacitet, vizion dhe ide, sigurisht se nuk u mbetet tjetër, përveçse të kritikojnë kur bëhen punë të mira. Ne mbetemi të fokusuar në realizimin e kërkesave dhe nevojave të qytetarëve, maksimalisht të angazhuar për përmirësimin e standardit jetësor.”– ka shkruar Ademi.
