Specialisti i Biokimisë Mjekësore Afrim Aruçi prej sot është pjesë e Iniciativës qytetare “Gostivari që dua”. Aruçi u prit në zyrat e Iniciativës nga anëtarët Altina Demiri – Asani, Lekë Dalipi dhe Dr. Aziz Dauti, të cilët shprehën kënaqësi që edhe ai do të jep kontributin e tij në Iniciativë. Në këtë drejtim, Altina Demiri – Asani, u shpreh që kuadrot si Aruçi janë të mirë se ardhur në Iniciativën për Gostivarin që duam.
Aruçi kreu shkollën e lartë të mjekësisë në Universitetin Shën Kliment Ohridski në Manastir, ku dhe bëri specializimin për Biokiminë Mjekësore.
Nga viti 1995 dhe deri vitin 2017 ka qenë laborant, kurse nga ky vit deri në vitin 2018 specialist i biokimisë mjekësore. Nga viti 2018 Aruçi është udheheqës i laboratorisë në Spitalin e përgjithshëm “Dr. Ferid Murad”, në Gostivar.
Krahas angazhimit në punë, Aruçi ka qenë pjesëmarrës në Kongresi i dytë Multidisiplinar Mjekesor IMCA II 2016 Tiranë, BCLF-2018 Nacional Congres of Macedonian, si dhe Associatian of Medical Biochemistri and Laboratory Medicine.
Për çdo ditë, Iniciativës po i bashkohen figura eminente na Gostivari dhe rrethina.
