Kryetari i BDI-së, Ali Ahmeti në një tubim në Tetovë duke folur për shanset e vendit për t’u bërë pjesë e BE-së tha se përfitimet janë të shumta. Ai shtoi se me anëtarësimin në BE mund të planifikohet edhe kthimi i atyre që janë larguar në të gjitha këto vite.
“Unë nuk kam hequr dorë nga ato hapa që i filluam 20 vjet përpara, për ti bërë bashkë shqiptarët, ku para një viti dolëm me qëndrim për frontin shqiptar për Evropë. Shërbim më të madh nuk mund t’i bëjmë kombit sesa anëtarësimi në BE. Sepse nëse anëtarësohemi në Bashkimin Evropian mund të ngadalësojmë largimin e njerëzve, me anëtarësimin në BE mund të planifikohet për kthimin e atyre që janë jashtë, sepse anëtarësimi në BE ka vizione, ka përfitime, mbështetje për të përafruar standardet.”- tha Ahmeti.
