Sot në organizim të Sekretariatit për Çështje Evropiane, në emër të Kuvendit dhe të Qeverisë së Republikës së Maqedonisë, në hapësirat e Muzeut të alfabetit shqip në Manastir u mbajt Akademi Solemne me rastin e 22 Nëntorit – Ditës së alfabetit shqip dhe 110 vjetorit të Kongresit të Manastirit.
Në akademinë solemne të sotme, morën pjesë përfaqësues të shquar nga Akademia e Shkencave të Shqipërisë, Akademia Shqiptare për studime Albanologjike,Instituti Shqiptar i Kosovës; Instituti për historinë e Kosovës, si dhe shumë përfaqësues të shquar shkencor, shoqëror dhe politik të Maqedonisë.
Kremtimi i një prej përvjetorëve më të rëndësishëm, 110 Vjetorit të Kongresit të Manastirit dhe unifikimit të alfabetit shqiptar, vazhdon me promovimin e më shumë librave, punimeve shkencore; është paraparë edhe konferencë shkencore në hotelin Epinal gjithashtu në Manastir, ndërsa si ngjarje qendrore do të jetë paraqitja e nesërme e gjigantit artistik Shkëlzen Doli, me koncert të violinës i shoqëruar nga filarmonia e Maqedonisë, nën dirigjimin e Mihael Macijashçik nga Polonia, ku do të marrin pjesë edhe presidenti i Shqipërisë dhe Kosovës – Ilir Meta dhe Hashim Thaçi, me ç’ka ky jubile historik do të shënohet në nivel të lartë rajonal, në prani të përfaqësuesve të shqiptarëve nga i gjithë rajoni.
