Prokurori Publik nga Prokuroria Themelore Publike Shkup deri te Gjykata e Apelit në Shkup ka parashtruar ankesë për aktvendimin në lidhje me aksidentin që ndodhi në Llaskarcë.
Prokurori Publik propozon që ta ndryshojë aktvendimin e shkallës së parë ndaj D.B, R.M, I.Gj dhe G.D dhe të shqiptojnë dënime më të larta.
Prokurori në arsyetimin e ankesës shprehet se autobusi në vazhdimësi ka qenë i kontrolluar teknikisht dhe pse nuk është kontrolluar dhe po ashtu ka pasur manipulim me shpejtësinë.
“Përmes një vlerësimi kritik të provave, individualisht dhe në kombinimin e tyre, gjykata e shkallës së parë nuk ka lejuar që vendimi gjyqësor të varet vetëm nga mendimi i vetëm dhe i pambështetur i ekspertëve të përfshirë në superekspertizë, të cilët nuk kanë arritur të krijojnë një qëndrim për çështje kyçe, dhe seancën kryesore e ka zgjatur për më shumë se një vit”, – ka nënvizuar prokurori publik Darko Jakimovski.
Ai ka nënvizuar provat në bazë të të cilave Gjykata në mënyrë të drejtë dhe në tërësi ka vërtetuar gjendjen faktike dhe ka zbatuar Kodin Penal kur ka konstatuar se veprimet nga të gjithë të akuzuarit përmbanin të gjitha elementet thelbësore të veprave penale për të cilët janë shpallur fajtorë.
Ankesa është bërë për shkak të vendimit për masën e sanksioneve penale ndaj katër të pandehurve.
Sipas aktgjykimit të shpallur më 25 janar 2024, të gjithë të akuzuarit për këtë rast u dënuan me gjithsej 39 vite burg.
