Gjatë aksionit të MPB-së për zbulimin dhe dënimin e shoferëve që organizojnë dhe marrin pjesë në gara ilegale, dje në rajonin e Shkupit, SPB Shkup ka konfiskuar nëntë motoçikleta të dyshuara.
Siç kumtojnë nga MPB-ja, aksioni kontrollues është zhvilluar nga ora 18:00 e ditës së djeshme, deri në ora 1:00 të mëngjesit, ndërsa është zbatuar nga Reparti për siguri në komunikacionin rrugor pranë Sektorit për Punë të Brendshme Shkup.
Motoçikletat janë mbajtur për shkak të dyshimeve se janë vendosur sisteme të veçanta, pjesë përbërëse, njësi të pavarura teknike dhe pajisje që ndryshojnë nga ato të zakonshmet sipas nenit 53 të Ligjit për automjete ata duhet të drejtohen në rishikim teknik të jashtëzakonshëm.
Policia në periudhën e njëjtë lidhur me kundërvajtjet tjera nga Ligji për siguri në komunikacionin rrugor dhe Ligjin për automjete, ka gjobitur 62 vozitës për kundërvajtje në komunikacion.
