Gazeta Marca ka realizuar një intervistë me Presidentin e Paris Saint-Germain (PSG) në të cilën ai diskuton për rinovimin e kontratës së sulmuesit, Tebasin, Super Ligën, Zidane dhe shumë gjëra të tjera
Nasser Al Khelaifi ka folur për Marcan për projektin e ri të PSG-së.
Presidenti i PSG ka adresuar tema të nxehta për atë që ka ndodhur në Parkun e Princave, largimin e Leonardos dhe ardhjen e Luis Campos në krye të departamentit sportiv të klubit.
Për trajnerin, Al Khelaifi nuk ka dashur ta konfirmoi largimin e Mauricio Pochettinos dhe ka përjashtuar emërimin e mundshëm të Zinedine Zidane.
“Dua ta bëj qartë që e kam dashur Zidane si lojtar dhe mandej si trajner, por ne nuk kemi folur më të direkt apo indirekt, asnjëherë”, tha ai për Marca.
Al Khelaifi po ashtu e ka mbrojtur Kylian Mbappe dhe, ndryshe nga pretendimet e Florentino Perez që kishte thënë se ai ndryshoi mendje në 10 ditët e fundit, ai ka versionin e tij.
“Refuzova 180 milionë euro verën e kaluar nga Real Madridi për shkak se e dija që Kylian dëshironte të qëndronte në PSG. E njoh atë shumë mirë, e di çfarë dëshiron ai dhe familja e tij, ata nuk ndikohen nga paratë”, tha ai.
“Ai ka vendosur të luajë këtu për qytetin e tij, klubin e tij dhe vendin e tij dhe për projektin sportiv. Ai mendon qvetëm të luajë dhe të fitojë”.
Presidenti i PSG-së ka qenë më i ashpër kur ka folur për Presidentin e LaLigës, Javier Tebas.
“Atë çfarë bëjmë, ne e bëjmë për shkak se mundemi. Nuk është në stilin tonë të flasim për ligat tjera, klubet apo federatat”, tha ai/ “Ne nuk japim mësime dhe ne nuk do të lejojmë askënd për të na dhënë mësime. Është e njëjta gjë çdo vit. Ne do të vazhdojmë ndërtimin e projektit tonë”.
Në intervistën me MARCA Al Khelaifi po ashtu ka insistuar që “Super Liga ka vdekur” dhe ai ka konfirmuar angazhimin e tij të ri për qarkun Padel.
Në këtë intervistë ai ka folur edhe për Leo Messi, Neymar dhe politikën e re të transfereve që do të implimentohet nga Luis Campos. Megjithatë, presidenti nuk ka konfirmuar emërimin e Christophe Galtier në timonin e skuadrës edhe pse gjithçka duket se ka përfunduar dhe ai do të jetë trajner i PSG-së./express
