As këtë herë paralajmërimi për bombë në Stacionin e Autobusëve në Prishtinë nuk doli të jetë i vërtetë.
Marketing
Kështu tha për Klankosova.tv zëdhënësja e Policisë për rajonin e Prishtinës, Flora Ahmeti.
Ahmeti tha se informata e pranuar është lajm i rrejshëm.
“Informata është trajtuar nga ana e policisë. Pas kontrolleve të kryera nga njësitet kompetente, nuk është gjetur asgjë e dyshimtë. Hetuesit policorë, në koordinim me prokurorin e shtetit, kanë filluar punën për zbardhjen e të gjitha rrethanave që ndërlidhen me këtë rast, i cili është cilësuar si lajmërim i rrejshëm”.
Për disa herë policia kishte pranuar telefonata anonime se ishte vendosur mjet shpërthyes te Stacioni i Autobusëve në Prishtinë, por që të gjitha rezultuan të pasakta.
