Kryeministri i Kosovës, Albin Kurti para pak çastesh ka marrë vaksinën AstraZeneca – Oxford COVID-19.
Marketing
Vaksinimi i Kurtit është bërë në sallën e sporteve “1 Tetori”, Prishtinë në ora 16:30.
Pas Kurtit, vaksinën e ka marrë edhe Isme Humolli, zyrtare profesionale e emergjencave e Organizatës Botërore të Shëndetësisë (OBSH) në Kosovë, transmeton Telegrafi.
Ndryshe, ministri i Shëndetësisë, Arben Vitia sot në takimin virtual me kryetarët e komunave të Kosovës ka bërë të ditur se procesi i vaksinimit do të fillojë të martën në Klinikën Infektive dhe sallën “1 Tetor”, kurse në komuna të enjten ose premten e kësaj jave.
Kontingjenti i parë i vaksinave antiCOVID-19 në Kosovë ka arritur mbrëmë dhe ka 24 mijë doza.
