Kombëtarja e Anglisë ka fituar me rezultat të thellë 4-0 ndaj Ukrainës në çerekfinale të Euro 2020, duke siguruar kualifikimin në gjysmëfinale.
Tre Luanët janë treguar larg më të mirë dhe bindës sesa ukrainasit në takimin e zhvilluar në Olimpico të Romës, ku morën edhe një fitore të madhe.
Pjesa e parë e ndeshjes u karakterizua me lojë më të mirë të Anglisë, ku përveç rasteve të krijuara, arritën të shënojnë edhe një gol.
Goli i vetëm në këtë pjesë erdhi në minutën e katërt dhe ishte Harry Kane, i cili shënoi për 1-0 pas asistimit të Raheem Sterling.
Në pjesën e dytë, ekipi i Gareth Southgate hyri më furishëm dhe ishte shumë më i kompletuar duke shënuar edhe tri gola tjerë.
Dy golat e parë erdhën brenda pesë minutave me anë të Harry Maguire (46’), i cili shënoi me kokë për 2-0, ndërsa Kane (50’) shënoi për 3-0, ku në të dy rastet asistues ishte mbrojtësi Luke Shaw.
2️⃣ goals in 4️⃣ minutes for the #ThreeLions! pic.twitter.com/K18MNGWfgp
— England (@England) July 3, 2021
Anglia nuk i ndali rastet dhe sulmet me këto dy gola, pasi vazhdoi të krijoi derisa gjeti edhe golin e katërt.
Ishte mesfushori i inkuadruar në pjesën e dytë, Jordan Henderson (63’), i cili shënoi me kokë për 4-0 pas asistimit të Mason Mount.
https://twitter.com/England/status/1411427093112557569?ref_src=twsrc%5Etfw%7Ctwcamp%5Etweetembed%7Ctwterm%5E1411427093112557569%7Ctwgr%5E%7Ctwcon%5Es1_&ref_url=https%3A%2F%2Ftelegrafi.com%2Fanglia-shkaterron-ukrainen-dhe-kalon-ne-gjysmefinale-te-euro-2020%2F
Deri në fund të ndeshjes, Southgate bëri shumë ndryshime duke mos rrezikuar titullarët, ndërsa edhe pse rastet nuk munguan, rrjetat nuk u tunden më dhe Anglia fitoi me rezultat 4-0.
Pas kësaj fitore, Anglia siguron kalimin në gjysmëfinalen e Euro 2020, ku do të përballet me Danimarkën, e cila mposhti 2-0 Çekinë.
https://www.youtube.com/watch?v=8alxyiX0Jv4&ab_channel=UkYTShorts
