Anxhela kreu vet shpenzimet e përfaqësimit të Shqipërisë në “Eurovision”.
Të shtunën (22 maj) u mbajt finalja e festivalit “Eurovision” në Roterdam, shkruan lajmi.net.
Këngëtarja Anxhela Peristeri përfaqësoi Shqipërinë këtë vit, por fatkqësisht ajo u rendit e 22-ta në listën e shteteve.
Artistja është komplimentuar për paraqitjen në skenë dhe kreu me sukses të gjitha performancat që kishte edhe në prova dhe natën finale.
Së fundi, Olti Curri, i cili ishte tekstshkruesi i këngës “Karma”, ishte i ftuar në “TempOra”, ku tregoi se këngëtarja mbuloi vet shpenzimet e “Eurovisionit”.
“Ky buxhet është përballuar nga Anxhela. Këtu Anxhela ka pasur dëshirë dhe e ka mbuluar Anxhela. Është një buxhet që nuk është i vogël. Sasha (artsitja që kuroi performancën skenike) u dashurua me performancën e Anxhelës”, tha Curri.
