Ministri i shoqërisë informatike dhe administratës, Damjan Mançevski njoftoi se aplikacioni “Stop Korona” është i kapshëm për të gjithë telefonat celularë. Ai porositi qytetarët që sa më masovikisht të instalojnë këtë aplikacion.
“Aplikacioni Jep informata se me cilat persona ka qenë në kontakt personi i infektuar. Paraqet plotësim të masave të Qeverisë të përsosura me teknologji. Ky aplikacion do të parandaloj përhapjen e Koronavirusit. Më shpejtë ndërpret zingjirin e përhapjes së virusit. Apeloj tek qytetarët që sa më masovikisht të shkarkojnë aplikacionin. Me këtë aplikacion ndihmojmë edhe punonjësit shëndetësorë”, tha ministri i shoqërisë informatike, Damjan Mançevski.
Ministri i Shëndetësisë Venko Filipçe tha se ky aplikacion do të lehtësojë punën e epidemiologëve.
“Aplikacioni do të lehtësojë punën e epidemiologëve në konfirmimin e kontakteve primare dhe sekondare të personave të infektuar. Ne jemi në fazë ku presim pikun e të sëmurëve, fazë ku identifikojmë të sëmurë aktiv dhe kontaktet e tyre i vendosim në izolim. Kjo është një prej mënyrave për të parandaluar sëmundjen, kurse ky aplikacion do të lehtësojë punën e epidemiologëve sepse do në një mënyrë do të zëvendësojë pyetësorin e epidemiologëve”-pohoi Filipçe.
Aplikacioni “Stop Korona” mund të shkarkohet për platformat IOS dhe Android ndërsa është zhvilluar nga një kompani private në bashkëpunim me Ministrinë e Shoqërisë Informatike dhe Administratës.
