Arben Fetai, zëvendëskryeministër nga VLEN ka reaguar ndaj reagimit të fundit të Bujar Osmanit nga BDI, i cili gjatë mbrëmjes deklaroi se “VREDI a po e shijoni 🍷 në Beograd? Deri dje akuza kundër “Open Balkan” e sot? Vredi mashtron dhe manipulon”, transmeton TV21.
Fetai shkruan se “ministrat e VLEN-it kanë qenë në Manastir, e jo Beograd”.
Shtoi se koha e Ballkanit të Hapur ka përfunduar dhe se koha e përgjegjësisë ka ardhur.
“Tregoni Bujar Osmanit se ministrat e VLEN-it ishin në Manastir, duke festuar Ditën e Alfabetit krah për krah me shqiptarët – me atë popull që DUI e ka harruar që moti.
Nostalgjia e Bujarit për dollitë me miqtë nga Beogradi është e kuptueshme, por ai e din mirë se Ballkani i Hapur ka përfunduar, ashtu si edhe privilegjet e klikës së tij kriminale. Koha e përgjegjësisë ka ardhur”, shkruan Fetai.
