Argjentinasit e përjetuan rëndë humbjen: Përleshje dhe kartonë të kuq pas finales (VIDEO)
Argjentina e humbi titullin e kampiones së botës dhe më pas lojtarët e saj humbën edhe kontrollin. Në vend që t’i uronin spanjollët pas humbjes 1:0 pas vazhdimeve, vërshëllima e fundit e gjyqtarit shkaktoi shtyrje dhe përplasje masive ndërmjet futbollistëve.
Në qendër të skenave të pakëndshme ishte Leandro Paredes.
Mesfushori argjentinas fillimisht u përplas fizikisht me Eric Garcían, ndërsa më pas ndërhyri Gavi. Paredes u nis edhe drejt tij, duke tentuar disa herë ta godiste me grusht, ndërsa bashkëlojtarët dhe anëtarët e stafit teknik të Argjentinës përpiqeshin ta qetësonin.
Pas përfundimit të ndeshjes, Paredes u ndëshkua me karton të kuq.
Ky ishte kartoni i dytë i kuq për Argjentinën në finale, pasi Enzo Fernández ishte përjashtuar në fundin e kohës së rregullt.
This angle of the Argentina-Spain fight after the game 😳 pic.twitter.com/EQZHSwwuMU
— BrickCenter (@BrickCenter_) July 20, 2026
