Ariana Grande është duke u etiketuar si një “shkatërruese familjesh” pas publikimit të këngës së saj të re, “Yes, And?” . Në këngë, ajo i përgjigjet reagimit të ashpër që mori pasi filloi të takohej me Ethan Slater, duke u thënë kështu fansave që të shikonin punët e tyre.
“Puna juaj është puna juaj dhe e imja është e imja. Pse po ju intereson se “kujt i hipi”?” thuhet në tekstin e këngës që ka fjalë banale.
Fansat iu përgjigjën këngës së saj, duke hyrë menjëherë në rrjetet sociale dhe duke e akuzuar se ajo u lidh me Slater përpara se ai të ndahej me Lilly Jay. Ata e quajtën këngëtaren një grua të keqe dhe të shëmtuar që shkatërroi familjen e dikujt dhe jetën e fëmijës së tyre.
Në korrik 2023, u konfirmua se Grande – e cila u takua me Slater në xhirimet e filmit “Wicked” në Londër në fillim të vitit të kaluar – dhe bashkëshorti i saj prej dy vitesh, agjenti i pasurive të paluajtshme Dalton Gomez, po i jepnin fund martesës së tyre.
Situata e tyre ishte në kontrast të plotë me atë që ndodhi kur Slater bëri kërkesë për divorc nga Jay po atë muaj.
Edhe pse një person i afërt me situatën i tha Page Six se dyshja ishin ndarë dy muaj përpara se ai të fillonte romancën me fituesen e Grammy, gruaja e Slater sulmoi artisten një ditë pasi aktori dorëzoi dosjen.
