Policia e Shqipërisë arrestoi dy shtetas të Maqedonisë së Veriut, një burrë dhe një grua për vjedhje në qytetin e Sarandës.
“Dy personat me shtetësi të Maqedonisë të identifikuar si David Shapuriq dhe Sandra Neshkovska janë arrestuar nga policia në Sarandë”, shkruajnë mediat në Shqipëri.
Sipas policisë, këto persona në plazhin e quajtur “Druri i thatë”, i kanë vjedhur shtetases greke çantën ku ka pasur dy telefona, syze dhe para.
“Si rezultat i administrimit të shpejtë dhe denoncimit të shtetases greke, më 17 e këtij muaji, stacioni policor në Sarandë mundësoi identifikimin, zbulimin dhe arrestimin e dy të dyshuarve për rastin D.Sh (24) dhe S.N (28), që të dy shtetas të Maqedonisë së Veriut”, thonë nga policia shqiptare.
Ata shtojnë se hetimi po vazhdon për zbulimin e mundshëm për ndërlidhje tjera të veprave penale për vjedhje.
