Policia kantonale e Valais ka ndaluar një 44-vjeçar nga Kosova i cili që nga viti 2013, kishte kryer 80 krime të ngjashme.
Vetëm në kantonin e Valais, ai kishte bërë 34 vjedhje, duke marrë rreth 40 mijë franga.
Vepra e fundit në gusht të vitit 2018 ishte fatale për kosovarët që banonin në kantonin e Biel-it, siç njoftoi të martën policia kantonale e Valais.
Një punonjës vuri re vjedhjen e portofolit, por edhe pse hajduti arriti që të ikë, policia e ka identifikuar personin, të cilin e arrestoi, shkruan ‘Blick’, transmeton albinfo.ch.
Ai shkonte me biçikletë në çdo vend ndërtimi dhe kishte vjedhur kartelën e punëtorëve të ndërtimit, përcjell tutje albinfo.ch.
Hajdutët arritën që të tërheqin para me kartat bankare të vjedhura, sepse disa nga pronarët kishin mbajtur kodin PIN brenda kuletave të tyre.
