Sporting Lisbona e ka eliminuar Arsenalin në 1/8 e finales në Ligën e Evropës, pasi triumfoi 4:3 vetëm pas penalltive në ndeshjen e dytë.
20 minutat lojë në stadiumin “Emirates” u mbyllën 1:1 (3:3), ndërkaq portugezët ishin më efikas në ekzekutimin e penalltive që i siguruan edhe “biletën” për çerekfinale të këtij kompeticioni, shkruan lajmi.net.
Martinelli ishte “figura tragjike” e londinezëve i cili e humbi penalltinë.
Sa i përket kohës së rregullt, mesfushori shqiptar, Granit Xhaka zhbllokoi rezultatin në minutën e 19-të me një gol të bukur nga afërsia.
Shifrat i barazoi mesfushori Pedro Goncalves me një gol spektakolar nga gjysma e fushës kur po rrjedhte minuta e 62-të, gol i cili i dërgoi ekipet në vazhdime.
Vlen të përmendet se Ugarte i Sporting Lisbonës u përjashtuar me karton të kuq, pas dy të verdhëve në minutën e 118-të.
Sportingu do ta mësojë të premten (nesër) kundërshtarin në çerekfinale kur edhe do të hedhet shorti.
