Pas humbjeve të njëpasnjëshme të Ziadin Selës në ciklet zgjedhore si në zgjedhjet parlamentare, ashtu edhe në ato lokale, kërkesat për dorëheqjen e kryetarit të Aleancës për Shqiptarët janë shtuar. Fillimisht dorëheqja e Selës u pa si më e nevojshme nga dega e ASH-së në Tetovë, por së fundi dorëheqja e Selës shihet si lëvizje e duhur edhe nga analistët politik, transmeton TetovaSot.
Analisti politik Arsim Sinani ka kërkuar dorëheqjen e kryetarit të Alenancës për Shqiptarët, Ziadin Sela, duke argumentuar se ASH-ja duhet të lirohet nga mendësia humbëse.
“Aleanca për Shqiptarët lipset të lirohet nga mendësia humbëse. Një brez tjetër aty lipset të vijë në shprehje. Kujt si hyjnë në punë lotët e krokodilit për Alternativën, strukturës i duhet ekip fitues” ka shkruar Sinani./TS
