Më shumë se 100 kryetarë komunash në Batumi, Gjeorgji po marrin pjesë në forumin urban të organizuar nga Drejtoria e Përgjithshme e Komisionit Evropian për Fqinjësinë dhe Negociatat e Zgjerimit DG NEAR dhe Programi i Kombeve të Bashkuara për Zhvillim UNDP, me fokus në mënyrën se si të zgjidhen sfidat komplekse të qeverisjes vendore përmes transformimit të gjelbër dhe gjithëpërfshirës të qyteteve dhe përdorimit të fondeve publike-private për të nxitur rritjen dhe inovacionin.
Me këtë rast kryetarja e Shkupit Danella arsovska prezantoi laboratorin e parë publik bioteknologjik të këtij lloji në Maqedoni dhe rajon, të cilin Qyteti i Shkupit e hapi këtë vit me mbështetjen e UNDP-së dhe UNICEF-it në shkollën e mesme “Maria Kiri Sklodovska”.
Hapja e laboratorit të parë bioteknologjik të këtij lloji në Maqedoni është një hap shumë inovativ në zhvillimin e shkencës në dobi të qytetarëve, mjedisit, ekonomisë lokale dhe shoqërisë në përgjithësi, dhe u vlerësua si një projekt inovativ nga qytetet e tjera.
Në prill, së bashku me UNDP-në, Qyteti i Shkupit pilotoi programin e parë të laboratorit për startup-et që punojnë me bioteknologji. Sfida e Shkupit Bio Hack My World 2023 bashkoi startup-et, sipërmarrësit dhe novatorët me ide të reja për përdorimin e mbetjeve bio për të trajtuar sfidat mjedisore dhe i mbështet ata të zhvillojnë idetë e tyre.
