Derisa u paraqiten mospajtimet e para brenda Frontin Europian për atë se pse u votua PRO ligjit për organizim të ministrive, si duket qëndrime të kundërta ka edhe brenda ASH-së, krahu i Selës. Deputeti Elmi Aziri e kritikoi ashpër vendimin që t’i jepet mbështetje një ligji të propozuar nga VMRO DPMNE, pasi siç shtoi Komisionin të cilin e kanë marrë në këmbim është i pa nevojshëm dhe joserioz.
Por nga ana tjetër Krenar Lloga nga e njëjta parti për 360shkallë tha se ky komision është i rëndësishëm jo vetëm për shqiptarët por për gjithë Maqedoninë.
Por ku mbeti retorika e FE Europian të cilët thoshin se votat e tyre për të arritur 2/3 shkojnë vetëm për ndryshimet kushtetuese?
Deputei Rijad Shaqiri nga VLEN, thonë se votat e FE për propozim ligjin e VMRO-së u dhanë PRO, për shkak se siç shtoi, ata kanë hipoteka të ndryshme të cilat duan t’i shmangin në këtë mënyrë.
Ligji për riorganizimin e ministrive u votua të shtunën në orën 2:30 pas mesnate me 88 vota pro dhe 22 kundër. PËR votuan deputetët e VMRO-DPMNE-së, VLEN-ti dhe ZNAM-it si dhe pjesë e Frontit Europian, ndërsa kundër ishin LSDM dhe Levica. Katër deputetët e ASH-së nuk votuan.
