Një bankë izraelite i ka thënë Agjencisë së Kombeve të Bashkuara për Palestinën (UNRWA) se llogaria e saj do të bllokohet mes akuzave se disa punonjës të agjencisë kanë lidhje me sulmet e 7 tetorit.
Banka tha në një letër drejtuar UNRWA-s se dyshonte se fondet e agjencisë po përdoren për të financuar “terrorizmin” kundër Izraelit.
Financimi i UNRWA-s është pezulluar nga SHBA-ja, Kanadaja, Australia, Britania, Gjermania, Italia, Holanda, Zvicra, Finlanda, Estonia, Japonia, Austria dhe Rumania pas raporteve që qarkulluan se rreth 12 punonjës të saj ishin të lidhur me sulmet e 7 tetorit në Izraelin jugor.
OKB-ja tha të shtunën se kishte shkarkuar 9 nga 12 personelin në fjalë lidhur me akuzat, raporton The Telegraph.
Sekretari i Përgjithshëm i OKB-së Antonio Guterres e përshkroi UNRWA-n si “shtylla kurrizore e të gjithë përgjigjes humanitare në Gaza”.
