Biden dhe dy ish-komandantët e përgjithshëm do të marrin pjesë në një diskutim të moderuar nga drejtuesi i “The Late Show” Stephen Colbert në Radio City Music Hall përpara mijëra të ftuarve.
dy presidentët kanë planifikuar të tjera axhenda javët e ardhshme me synimin e vetëm për të mundësuar fitoren e Joe Biden.
Obama mban kontakte të ngushta me zyrtarët e administratës së Joe Biden. Ai ka ndihmuar Presidentin 81-vjeçar edhe në organizimet e takimeve për mbledhje fondesh.
Në një të tillë që është e planifikuar, do të jetë i pranishëm edhe ish-Presidenti tjetër Bill Clinton, për t’i dhënë “një dorë” Presidentit Biden.
“Askush nuk mund të flasë me demokratët e zhgënjyer më mirë se Presidenti Obama”, tha për CNN një person i afërt i ish-Presidentit.
Ndihma që po i japin Joe Biden dy ish-Presidentët Obama dhe Clinton tregon për përballjen e fortë politike me kundërshtarin e tyre republikan, ish-Presidentin Donald Trump që garon për një mandat të dytë në krye të Shtëpisë së Bardhë.
Biden, 81 vjeç, është përballur me shqetësime për moshën dhe aftësinë e tij për një mandat të dytë katërvjeçar.
Biden po bën fushatë të fortë për përpjekjet e tij për të forcuar ligjin dhe akuzon republikanët se po kërkojnë t’i japin fund atij.
Trump përdori ngjarjen e Bidenit me Obamën dhe Klintonin për t’u bërë thirrje edhe mbështetësve të tij.
“Karteli Obama-Klinton mendon se do të na mposhtin nesër, por unë kam diçka që ata KURRË nuk do ta kenë”, tha ai në një apel për mbledhjen e fondeve të mërkurën, duke iu referuar mbështetësve të tij.
