Barcelona thuhet se do të lejohet të regjistrojë përkohësisht lojtarët e saj, mesfushorin Dani Olmo dhe sulmuesin Pau Victor.
Sipas Cadena SER, Këshilli i Lartë i Sporteve (CSD) do t’i lejojë Barcelonës të regjistrojë përkohësisht Olmo dhe Victor.
Pasi ky vendim të shpallet zyrtarisht, lojtarët do të mund të rikthehen në fushë.
Kjo nuk do të thotë se ata do të luajnë domosdoshmërisht kundër Athletic Bilbao në ndeshjen e parë gjysmëfinale të Superkupës së Spanjës sot (e mërkurë), 8 janar, por nuk përjashtohet.
Ata gjithashtu mund të jenë të disponueshëm për të luajtur në finalen e turneut nëse Barcelona arrin atë fazë.
Në përgjithësi, ky vendim nuk është përfundimtar dhe nuk do të thotë se lojtarët do të lejohen përgjithmonë të luajnë për klubin deri në fund të sezonit 2024/25.
