Një hajdut i maskuar bastisi shtëpinë e Beckhams prej 40 milionë funtesh ndërsa ata ishin në shtëpi.
David, Victoria dhe vajza Harper, nuk ishin në dijeni pasi hajduti hyri në një dhomë gjumi në katin e sipërm në Holland Park, në Londrn Perëndimore.
Vjedhja në rezidencën e familjes Beckham në Londër u zbulua nga djali Cruz kur u kthye me miqtë pas një nate jashtë.
Ai vuri re një dhomë gjumi rezervë që ishte plaçkitur ndërsa xhamat e dritares ishin thyer dhe gjendeshin në dysheme.
Sulmuesi i maskuar kishte ikur, së bashku me mijëra paund mallra projektuese dhe elektrike.
Besohet se ai mund të ketë qenë në një bandë që synonte të paktën dy shtëpi të tjera aty pranë në të njëjtën natë.
Çifti Beckham thuhet se janë “tronditur” nga “pushtimi” i shtëpisë së tyre.
Çifti është rrënuar nga përndjekjet dhe kërcënimet për rrëmbim në të kaluarën. Një burim tha: “Mjerisht Beckhams ishin viktima të disa hajdutëve mjaft profesionistë që kanë vepruar në zonë”.
“Për fat të mirë, kriminelët arritën vetëm deri në një dhomë gjumi para se të iknin”.
