Kryetari i komunës së Skenderajt, Bekim Jashari, dje emëroi drejtoreshë të çerdhes gruan me mbulesë, Arbnora Fejza-Idrizi, e njohur si rekordmene e tri çmimeve Guinness.
Arbnora Fejza-Idrizi, bëri krenarë komunën dhe vendin, me prezantimin në mënyrën më të mirë të mundshme para syrit të botës.
Lajmin se është emëruar drejtoreshë e çerdhes e ka bërë të ditur vetë Arbnora në llogarinë e saj në Facebook.
Postimi i plotë i Arbnora Fejza-Idrizit:
“Te dashur familjar e miq,
Kam kënaqësinë t’iu njoftoj, se me vendim të Kryetarit të Komunës së Skenderajt, Bekim Jashari, jam emëruar, Ud. Drejtore të Institucionit para shkollor, “Nëna Zahide”, në Skenderaj.
Drejtim i këtij institucioni që mbanë emrin e heroinës sonë, nënës Zahide është një nder dhe përgjegjësi e jashtëzakonshme për mua dhe unë do të përkushtohem maksimalisht që t’a kryej këtë detyrë në mënyrën më të mirë.
Falënderoj kryetarin, Bekim Jashari për besimin dhe mundësinë që të kontribuoj në edukimin e duhur të fëmijëve tonë”.
