Ministri i Ekonomisë Kreshnik Bekteshi gjatë ditës së sotme realizoi takim pune me përfaqësuesit e Shoqatës për Turizëm dhe hotelieri në kuadër të Odës Ekonomike të Maqedonisë.
Temë e takimit ishin problemet me të cilat përballet sektori i turizmit dhe hotelierisë si rezultat i krizës shëndetësore dhe ekonomike të shkaktuar nga Covid 19 dhe masat që do të merren në të ardhmen për të zvogëluar dëmet.
Ministri informoi se si sektori më i prekur, fokusi i Qeverisë ishte pikërisht në mbështetjen e turizmit dhe hotelierisë, ku edhe u miratuan dhe zbatuan disa masa në muajt e fundit, të tilla si: subvencione për pagimin e pagës minimale për punëtorët, vauçerë për mbështetje të turizmit vendor dhe subvencione për organizimin e konferencave, seminareve dhe trajnimeve në kapacitetet turistike vendore.
“Rëndësia e këtij sektori për Ministrinë e Ekonomisë dëshmohet edhe nga vet fakti se një nga takimet e para të punës në mandatin e ri është pikërisht ky takim me Shoqatën për Turizëm dhe hotelieri. Mbështetja për këtë sektor do të vazhdojë në periudhëne ardhshme përmes Pakos së katërt të masave që është në përgatitje e sipër. Masat do të sjellen me përfshirjen e plotë dhe konsultimin e sektorit bazuar në nevojat reale,” deklaroi Ministri Bekteshi.
Ministri në takim informoi se deri më tani janë përdorur mbi 25 mijë vauçerë për mbështetje të turizmit vendor, ndërsa shumica e fondeve për mbështetje financiare për pagimin e pagës minimale janë përdorur nga sektori i turizmit dhe hotelierisë, gjë që tregon se që në momentet e para mbështetja ishte në drejtimin e duhur. Në këtë moment, Ministria e Ekonomisë dhe Qeveria kanë plane edhe më të mëdha për periudhën në vijim dhe në këtë drejtm do të krijohen masat në të ardhmen.
Ministri gjithashtu informoi se programi i Qeverisë për mandatin katër-vjeçar parashikon uljen e TVSH-së për shërbimet e restoranteve, e cila është një nga kërkesat e kahershme të punonjësve të turizmit.
Shoqata për Turizëm dhe hotelieri ka paraqitur disa kërkesa të cilat Ministria e Ekonomisë do ti shqyrtojë sa më shpejt të jetë e mundur, në mënyrë që të veprohet në kohën e duhur.
Ndër kërkesat e Shoqatës së hotelierisë janë vazhdimi i mbështetjes për kontributet e punonjësve dhe mbështetjen financiare për pagën minimale deri në mars të vitit të ardhshëm, lirim nga TVSH-ja për shërbimet e hotelierisë për një periudhë prej një viti, për të siguruar përjashtimin e TVSH-së për turizmin shërbimet e kryera jashtë Bashkimit Evropian dhe për të thjeshtuar procedurën e subvencionimit. Ndër kërkesat e paraqitura nga sektori i turizmit janë krijimi i një Fondi Garancie në turizëm, mbështetja financiare për aktivitetet e marketingut për turizmin vendor, promovimi i theksuar në vendet e rajonit dhe Bashkimin Evropian.
Në takim u dakordua që të organizohet një konferencë e përbashkët mes Ministrisë së Ekonomisë dhe sektorit të turizmit për të shënuar Ditën e Turizmit 27 Shtatorin, ku temat kryesore të diskutimit do të jenë situata aktuale e shkaktuar nga kriza e cila do të rezultojë në masat e propozuara për të mbështetur sektorin si dhe reforma në turizëm dhe hotelieri me qëllim forcimin e përbërësit eksportues të sektorit.
