Deputeti i Koalicionit “Fronti Europian”, Blerim Bexheti, në një prononcim për media në Kuvend, ka theksuar se ndryshimet ligjore që kanë të bëjnë me riorganizimin e ministrive nuk kanë arritur ende tek ata dhe thekson se do të japin qëndrim konkret pasi t’i shohin ato.
“Përsa i përket ligjit të propozuar që kërkon një shumicë prej dy të tretash, ne ende nuk e kemi parë atë ligj. Kur ta shqyrtojmë, kur të arrijë tek ne, do të japim mendime dhe pikëpamje specifike. Nuk e kemi marrë parasysh, por fakt është se kemi edhe një kontekst tjetër, pra një kontekst politik shumë më tepër se parimor ku vullneti i shumicës së votuesve të shqiptarëve dhe të komuniteteve të tjera etnike, pra të komunitetit turk, boshnjak dhe rom që janë pjesë e Frontit Europian dhe normalisht si jo legjitime”, tha Bexheti.
Ai ka theksuar se sipas asaj që ka dëgjuar, këto ndryshime ligjore do t’i shërbejnë vetëm VMRO-DPMNE-së.
“Por ajo që dëgjojmë, i shërben vetëm VMRO-DPMNE-së në programin e tyre parazgjedhor. Dhe vazhdojnë në disa institucione, të cilat padyshim do të çojnë përfaqësuesit ilegjitimë të shqiptarëve në qeveri, ku u hiqen kompetencat dhe me këtë faktikisht vërtetohet që në fillim se pa legjitimitet të gjithë mund të luajnë me dikasteret siç u pëlqen dhe me kompetencat në departamente”, tha Bexheti.
https://www.facebook.com/share/v/azYxNorSP41VGzhc/?mibextid=oFDknk
