Me iniciativën e Komisionit për marrëdhëniet mes bashkësive fetare dhe grupet e religjionit dhe me mbështetjen e krerëve të Kishës Ortodokse Maqedonase dhe të Bashkësisë Fetare Islame, u krijua Grupi i Miqësisë ndërmjet këtyre dy bashkësive fetare në vend.
Ky grup synon krijimin e një kornize formale që do të ofrojë një hapësirë cilësore në të cilën të dyja palët mund të prodhojnë një mirëkuptim dhe njohje shumë më të madhe reciproke dhe të nxisin një shqetësim të përbashkët për të mirën publike.
“Kemi një marrëdhënie të shëndoshë ndërmjet KOM-it dhe BFI-së për momentin, për këtë është punuar një kohë të gjatë dhe këtë duhet ta shfrytëzojmë në momentin e duhur për të bërë një hap më tej. Praktikisht, kjo do të thoshte pas çdo grupi vjetorë të miqësisë, ne në një periudhë prej një dekade do të kemi shumë pjesëmarrës që e kanë kaluar grupin e miqësisë dhe do të kenë kontakte me përfaqësuesit fetarë të palës tjetër.”, – theksoi drejtori i Komisionit për marrëdhënie mes bashkësive fetare, Darian Sotirovski.
Ai sqaroi se grupi do të funksionojë në nivel të pikëpamjeve tematike, do të shqyrtojë çështje të ndryshme dhe për këtë do të shfrytëzojë përvojat e huaja krahasuese, në radhë të parë pozitive, por edhe negative, në lidhje me ndërrimet e arritura dhe rreziqet që nuk ishin parashikuar me kohë.
“Ne patjetër që duhet të ndërtojmë një avangardë, e cila edhe në kohën e krizës do të kontaktojmë mes vete dhe së bashku do ta ndërtojmë atë të cilën vendi ynë e njeh si një bashkësi.”, – u shpreh drejtori i Komisionit për marrëdhënie mes bashkësive fetare, Darian Sotirovski.
Grupi do të ketë një numër simetrik anëtarësh nga të dyja palët dhe do të mbajë takime në katër module që paraprakisht do të jenë të lidhura tematikisht me përfaqësuesit e dy komuniteteve fetare. Në këtë aktivitet ishin të pranishëm kreu i Kryepeshkopit të Ohrit dhe Maqedonisë, z. z. Stefan, reis-ul-ulema i BFI-së, Shaqir Effendi Fetai, si dhe dekanët e Fakultetit Teologjik Ortodoks, prof. Dr. Gjoko Gjorgjevski dhe Fakulteti i Shkencave Islame, prof. Dr Shaban Sulejmani.
