Bashkësia Fetare Islame ka shprehur shqetësimin e saj për tragjedinë në Tetovë ku u dogj spitali modular i Kovidit.
“Me vëmendje të madhe, keqardhje dhe pikëllim të thellë po ndjekim situatën me zjarrin e rënë në Spitalin Modular të Qendrës për Kovid 19 në Tetovë. Në këto momente të vështira e pikëllimi, mendimet dhe lutjet tona janë me pacientët e këtij spitali dhe personelin mjekësor. Nga thellësia e zemrës dua të përcjelli ngushëllimet e mia dhe të Bashkësisë Fetare Islame të Republikës së Maqedonisë së Veriut ndaj familjarëve të viktimave dhe u dëshirojmë shërim të shpejtë të gjithë të lënduarve nga kjo fatkeqësi e madhe. Reisul Ulema H. Hfz. Shaqir ef. Fetai”, thonë nga BFI.
Deri tani dihet se ka viktima, por jo edhe numri i saktë i tyre. Të lënduarit përveç se në spitalin e Tetovës, janë dërguar edhe në Shkup.
