Biznesmenët, qeveria dhe sektori i OJQ-ve u mblodhën në një vend për të debatuar korrupsionin në sektorin shtetëror por edhe në atë privat. Arsyeja, ndër të tjera, është se hulumtimet e fundit kanë treguar se shumë biznesmenë vendosin të mos investojnë dhe zhvillohen për shkak të frikës dhe mosbesimit se do ta zgjerojnë biznesin pa pengesa.
Kështu që 66% e kompanive deklarojnë se korrupsioni është një problem. Ajo çfarë është edhe në nivel global, tendenca është që 1 në 5 kompani t’i kërkohet ryshfet. Ky është një presion i madh mbi komunitetin e biznesit. Natyrisht, të dhënat tregojnë se ndonjëherë vetë kompanitë ofrojnë ryshfete, pa iu kërkuar – deklaroi Nikica Kusinkova, drejtore ekzekutive e “Konekt”.
Projekti i organizatave joqeveritare Konekt dhe Qendra për komunikime civile, për shkak të të cilave u mbajt debati, është politika dhe biznesi së bashku të zhvillojnë mjete integriteti në të dyja anët, duke përfshirë ndryshime legjislative. Por një studim i kohëve të fundit nga Qendra për Komunikime Civile tregon se ndryshimet ligjore tashmë të miratuara nuk respektohen. Për shembull, së paku 18 drejtorë të ndërmarrjeve publike duhej të ishin shkarkuar, sepse nuk kishin publikuar raporte financiare, e cila gjë është obligim me ndryshimet e vitit të kaluar në ligjin mbi ndërmarrjet publike. E pyetur se si është e mundur kjo, Ministrja e Drejtësisë u arsyetua se ligji nuk është në kompetencë të saj.
Shpresoj që ajo që bëjmë ne si përpjekje në kuadrin ligjor do të implementohet nga institucionet përkatëse në këto fusha. Ky ligj nuk është në fushën e drejtësisë, prandaj pres dhe ka mekanizma që mund të funksionojnë – tha Renata Treneska-Deskoska, Ministre e Drejtësisë.
Projekti për dialog midis biznesit, shtetit dhe sektorit joqeveritar në lidhje me transparencën dhe korrupsionin mbështetet financiarisht nga BE-ja. Pritjet janë se procesi do të rezultojë në parandalimin dhe përballimin më të mirë të korrupsionit.
Alsat
