12 njësitë e fundit të modelit luksoz të BMW – M760i xDrive, që e vë në lëvizje motori 6,6 litërsh V12, do të prodhohen në qershor dhe do t’ju dërgohen blerësve në SHBA.
Pas paralajmërimeve të mëparshme, nga Minheni arrin konfirmimi zyrtar që BMW-ja këtë vit do të ndalë prodhimin e motorëve V12, që në edicionin e parë 5 litërsh (300 kuaj-fuqi), e ofroi në vitin 1986 që asokohe ishte Serie 7 (E32), transmeton Telegrafi.
BMW do të prodhoj 12 njësitë e fundit të “shtatëshes” së fundit, që e vë në lëvizje motori 6,6 litërsh V12 biturbo, duke përmbyllur me sukses historinë 36-vjeçare.
Veturat do t’ju dërgohen blerësve në SHBA, e me vete do të kenë mbishkrimin V12 (The Final V12) që prodhojnë 610 kuaj-fuqi, mjaftueshëm që kjo limuzinë luksoze shpejtësinë nga 0-100 ta arrijë për 3,7 sekonda.
