Shefi për Politikë të Jashtme i Bashkimit Evropian, Josep Borrel, ka deklaruar se Lindja e Mesme është shumë pranë luftës rajonale.
Sipas tij krerët evropianë duhet t’i kërkojnë “përgjigje të përmbajtur” te Irani pas sulmeve ajrore të fundjavës, raporton CNN.
Marketing
“Nuk mund të eskalohet. Nuk mund të shkohet hap pas hapi për të ju përgjigjur secilës situatë që shkon më përpara, te lufta rajonale”, është shprehur Borrell me të arritur në Itali për takimin e ministrave të Jashtëm të G7-ës.
“Jemi në cep të një lufte rajonale me Lindjen e Mesme që do të dërgojë lëkundje mbarë botë, veçanërisht në Evropë”.
Komentet e tij vijnë pasi që Sekretari i Jashtëm i Britanisë së Madhe, David Cameron, u bëri thirrje ekonomive më të mëdha globale që të koordinohen për të vendosur sanksione ndaj Iranit.
