Në tremujorin e tretë të vitit të kaluar, borxhi i jashtëm bruto i Maqedonisë u rrit për një miliard euro krahasuar me nivelin e borxhit që kishte në muajt e fundit të vitit 2017. Të dhënat nga Banka Popullore thonë se borxhi i jashtëm në tremujorin e tretë të vitit të kaluar arriti në 8.4 miliardë euro, ose jo më pak se 80 për qind të prodhimit të brendshëm bruto të parashikuar.
Në raportin e saj, Banka Popullore njoftoi gjithashtu se në të njëjtën periudhë të analizuar, borxhi i jashtëm publik dhe privat është rritur. Raporti tregon se në nivel tremujor, borxhi i jashtëm është zvogëluar për 26 milionë euro.
“Krahasuar me fundin e vitit 2017, borxhi i jashtëm bruto është më i lartë për rreth një miliard euro, dhe me një rritje të njëkohshme të borxhit të jashtëm publik dhe privat prej 524, përkatësisht 503 milionë euro”, thonë nga Banka Popullore e Maqedonisë.
Rreth një javë më parë, ministri i Financave Dragan Tevdovski theksoi se borxhi publik ishte vënë nën kontroll. Në vitin 2018, sipas Tevdovskit, u bënë dhjetë reforma kyçe, për një sistem më të mirë të financave publike. Ministri gjithashtu kujtoi se në vitin 2018 u lëshua një obligacion 30-vjeçar, si dhe një eurobond me normën më të ulët të interesit të ulët prej 2.75%. Por kështu nuk mendon opozita.
Nga “Pallati i Bardhë” i VMRO-DPMNE-së mbeten në qëndrimin se pushteti në mënyrë të pabazë pa treguar se për çfarë i shpenzon paratë e huazuara merr hua në vend, por edhe nga huadhënës ndërkombëtarë.
