Hetuesit italianë zbuluan detaje pas hetimeve për trupat e pajetë të çiftit shqiptar, Shpëtim dhe Teuta Pasho, të cilët u gjetën sot plot 5 vite, pasi ishin deklaruar të humbur.
Vajza e tyre, Dorina që ngriti alarmin për zhdukjen e tyre në një emision televiziv në “Rai 3” foli pas telefonatës me të ëmën ku i thoshte se nuk do i përgjigjej më.
Një tjetër detaj, sipas hetuesve ka të bëjë me djalin e çiftit.
Në kohën e zhdukjes së tyre ai u arrestua për vepra të drogës në burgun Sollicciano, pranë të cilit u gjetën trupat e copëtuar të çiftit në tre valixhe. Shpëtimi dhe Teuta Pasho jetonin në Shqipëri dhe shkonin shpesh në Toskanë, ku jetonin fëmijët e tyre.
Më 4 tetor 2015 prindërit e tij shkuan në Itali ku kaluan një muaj. Që nga 2 nëntori 2015, kur vajza mori telefonatën nga një numër anonim në të cilin nëna e saj i tha se nuk donte t’i përgjigjej askujt, u zhdukën të gjitha gjurmët për burrë e grua.
Eshtrat e tyre ishin mbështjellë brenda valixheve me celofan dhe najloni, të lidhura me shirit ngjitës. Kërkimet vazhdojnë për detaje të reja mbi ngjarjen.
