Kryetari i Komunës së Çairit Visar Ganiu sot pranojë donacion prej 5000 skafanderëve në vlrë prej 30 000 eurove nga ana e kompanisë ATS Group, të cilat ju shpërndahen institucioneve shëndetësore në territorin e kësaj komune, përcjell Aktuale.mk
Ja postimi i plotë i Visar Ganiut:
Vendosëm në shërbim të personelit mjekësor në Çair 5000 skafanderë, donacion i siguruar nga kompania ATS Group
Kompania e mirënjohur ATS Group e udhëhequr nga z. Shefqet Demiri bashkëqytetar i yni nga Çairi sërish dëshmoi gatishmërinë e saj për të kontribuar në rritjen e nivelit të mbrojtjes së qytetarëve në ballafaqimin me virusin Covid 19 duke i dhuruar Komunës së Çairit donacion prej 5000 skafanderë me vlerë prej 30 000 eurove, të cilat ne vendosëm t’ua shpërndajmë institucioneve shëndetësore në territorin e Çairit.
Për këtë arsye ftova sot drejtorin e Shtëpisë së Shëndetit Shkup z. Besim Koka, drejtorin e Spitalit Gjinekologjik “Nëna Terezë” në Çair z. Bashkim Ismaili dhe drejtorin e Institutit të Mjekësisë së Punës z. Alajdin Memedi për t’ua dorëzuar donacionin me qëllimin e sinqertë për të qëndruar në përkrahje të personelit mjekësor që po udhëheq një betejë heroike për të shpëtuar jetët e bashkëqytetarëve tanë. Shpreh faleminderimin dhe mirënjohjen në emër të qytetarëve të Komunës së Çairit ndaj udhëheqësisë së kompanisë ATS Group për bashkëpunimin dhe kontributin e vazhdueshëm që japin në shërbim të mirëqenies shëndetësore të qytetarëve.
