Cardi B u gjirua duke hedhur mikrofonin ndaj një anëtari të audiencës, i cili e spërkati atë me pije gjatë kohës kur këngëtarja ishte duke performuar në skenë.
Nuk ishte hera e parë që këtë fundjavë reperja, e cila sapo publikoi një këngë të re me bashkëshortin e saj Offset të titulluar “Jealousy” – vendosi të përdorë mikrofonin e saj për diçka tjetër përveç këndimit.
Një natë më parë, Cardi po performonte në Drai’s Beach Club kur ajo u acarua pasi DJ dyshohej se ia kishte ndërprerë këngët shumë herët.
Në një klip të shpërndarë në mediat sociale nga përdoruesi kfen777, artistja shihet duke bërtitur emrin e saj përpara se të kthehej dhe të hidhte mikrofonin në drejtim të DJ-it, para se të dilte nga skena.
Fansat në Las Vegas thuhet se kanë pritur dy orë në nxehtësi të lartë përpara se ylli të shfaqej për të performuar.
Ylli i hip hopit thuhet se madje u kërkoi fansave t’i hidhnin ujë teksa ajo ankohej për nxehtësinë e tepërt në Sin City.
Një natë më parë ajo u pa këmbëzbathur në skenë teksa performonte hitin e saj të mrekullueshëm “I Like It”, me një mini fustan të verdhë para incidentit me mikrofon./Daily Mail/
