Ministri slloven i Punëve të jashtme, Miro Cerar, pasdite deklaroi se Sllovenia fuqimisht e mbështet fillimin e negociatave me Maqedoninë e Veriut në qershor dhe se do të ishte shumë keq nëse BE-ja nuk i njeh përpjekjet të cilat po i bën vendi, lajmëroi korrespondentja e MIA-s nga Brukseli.
Cerar në mëngjesin e sotëm ka marrë pjesë edhe në takimin midis ministrave të punëve të jashtme të BE-së me ministrin e Punëve të Jashtme Nikolla Dimitrov dhe zëvendëskryeministrin Bujar Osmanin, ku i ka transmetuar përpjekjet e njëjta të vendit të tij. Ministri slloven e ka theksuar rëndësinë e arritjes dhe zbatimit të Marrëveshjes së Prespës, si dhe të Marrëveshjes me Bullgarinë, por edhe përpjekjet reformuese, tha ai pasdite para gazetarëve në Bruksel.
“Do të ishte shumë keq për Evropën nëse nuk e njeh këtë përpjekje, këtë gatishmëri për kompromis, këtë përkushtim ndaj reformave të cilat i tregon Maqedonia, ndërsa më shumë do të pësojë ideja evropiane për integrim dhe do të ishte zhgënjim i madh për banorët e Republikës së Maqedonisë së Veriut”, deklaroi Cerar.
Lubjana, si dhe vende anëtare të shumta të BE-së, konsiderojnë se Maqedonia duhet të marrë dritë të gjelbër për fillimin e negociatave në qershor dhe se vendi meriton të shpërblehet për kompromisin e arritur me Greqinë, pasi vitin e kaluar ky vendim ishte anuluar. Por, Franca dhe Holanda mbesin shumë skeptike, në pjesën më të madhe për shkak të fushatës së ardhshme zgjedhore për Parlamentin Evropian dhe politikën vendore. Siç sqarojnë burime diplomatike për MIA-n, kjo që është ndryshe sivjet në krahasim me atë paraprake është se Marrëveshja e Prespës është konfirmuar, është votuar dhe po zbatohet që është argument më pak si një vend si Franca.
Po, Parisi dhe Haga insistojnë se Marrëveshja e Prespës nuk është e mjaftueshme dhe se nevojitet përmbushja e reformave dhe rezultateve konkrete në implementimin e tyre, para së gjithash, në luftën kundër krimit dhe korrupsionit dhe gjyqësisë.
Vendim askush nuk pret të ketë derisa nuk kalojnë zgjedhjet evgropiane në fund të majit. Siç sqarojnë diplomatët në Bruksel për MIA-n, pas fushatës zgjedhore “ndoshta do të duhet më qetë të bisedohet për tema si zgjerimi”.
