Faqja zyrtare e Eurovisionit ka fshirë nga rrjetet sociale foton nga prova e performancës së këngëtares shqiptare Ronela Hajati. Kjo ndodhi pasi zyrtarët e kompeticionit të këngës cilësuan foton e Ronelës dhe grupit të saj provokues.
Në foto shfaqet Ronela bashkë me katër balerinët, të cilët provokojnë me lëvizjet e tyre sipas faqes së Eurovisionit.
Ndërkohë, komentuesit kanë vënë në dyshim pse një postim me 25,000 pëlqime është fshirë, kur postimet e tjera kanë më pak pëlqime.
Kjo është cilësuar alarmante, duke pasur parasysh se Unioni Evropian i Transmetuesve mbron lirinë e shprehjes dhe lirinë artistike, madje edhe brenda kufijve të një “show familjar”.
Kujtojmë që Ronela do të përformojë këngën “Sekret” në natën e parë të festivalit, më 10 maj.
