Christian Chivu është në prag të bëhet trajneri i ri i Parmës, skuadër i cila po përshpejton negociatat për të gjetur një zëvendësues për Fabio Pecchia, i cili u shkarkua të hënën.
“Gialloblu” renditen në zonën e rënies në javët e fundit për shkak të një serie prej shtatë ndeshjesh pa fitore në Serie A, duke e shtyrë klubin të ndërmarrë veprime përpara një programi sfidues, i cili përfshin edhe ndeshjen vendimtare kundër Monzas më 16 mars.
Fillimisht Parma dukej e interesuar për Igor Tudor, por ata thuhet se e kanë zhvendosur fokusin e tyre te Chivu, përvoja menaxheriale e të cilit deri më tani është e kufizuar në skuadrat e të rinjve të Interit, me një periudhë trevjeçare në krye të Primaveras që përfundoi verën e kaluar, përcjellë KosovaPress.
Sipas “Gianluca di Marzios”, Chivu mbërriti në Parma të hënën në mbrëmje për të biseduar me drejtuesit e klubit përpara se të nënshkruajë një kontratë me luftëtarët e Serie A.
“Gialloblu” nuk kanë fituar asnjë ndeshje që nga fundi i dhjetorit dhe aktualisht janë në vendin e 18-të.
