Manchester City e ka mundur me rezultat 1-6 Aston Villan sonte, në një ndeshje ku shkëlqeu sulmuesi Kun Aguero por edhe Mahrez. Aguero shënoi het-trik, kurse Mahrez shënoi dy gola.
Ndeshja filloi me një ritëm të ngadaltë nga City, të cilët nuk sulmuan shumë portën e Villas, por këtë ata e bën pas minutës së 15-të.
Riyad Mahrez shënoi dy gola të shpejtë për Cityn. Fillimisht ai shënoi në minutën e 18, kurse e dyfishoi epërsinë në minutën e 24-të.
Një bashkëpunim në mes të Kevin de Bryene dhe Aguero rezultoi me gol në minutën e 28-të nga ky i fundit, kurse de Bryene ishte kreator edhe i golit të katër të City pasi që asistoi për Gabriel Jesus që shënoi në minutën e 45-të. City nuk ndalet as në pjesën e dytë.
Ishin dy gola të Kun Agueros që bën që ai ta kompletoi het trikun.
Goli i dytë i argjentinasit erdhi pas një bashkëpunimi të tij me David Silvan në minutën e 57-të, kurse goli i fundit erdhi në minutën e 81-të ku Aguero u asistua nga Riyad Mahrez.
Krejt çfarë bëri Aston Villa ishte një gol në minutat shtesë të ndeshjes që u shënua nga penalltia nga El Ghazi. Manchester City me këtë fitore ngritët në pozitën e dytë më 47 pikë duke e lënë pas Leicester Cityn me 45 pikë.
