“Është thyer heshtja zgjedhore në terren me agjitimin dhe distribuimin e materialeve propaganduese, në disa portale, si dhe më shumë në rrjetet sociale Facebook, Instagram dhe Twitter”, thonë nga Civil.
Gjithashtu, është hasur thyerje e heshtjes zgjedhore nga persona të punësuar në administratë publike, madje edhe në MPB, të cilët thirrin në bojkot, thotë kryetari i Civilit, Xhabir Deralla.
Civil njofton edhe për raste të trasportit të organizuar të votuesve në Shtip dhe Karbincë. Vëzhguesit e Civilit kanë hasur edhe në parregullësi të tjera, si hyrje me armë të cilat janë të ndaluara, fotografimi dhe incizimi në dy vendvotime, pastaj në dy vendvotime janë shpërndarë fleta me konotacione negative për një prej kandidatëve.
Janë regjistruar edhe raste të mbikqyërsve tw pa licensuar. Në një vendvotim në Veles, rreth një duzinë dokumente ishin shqyer.
Në Aerodrom në një vendvotim një votues me zë të lartë ka treguar se për kë do të votojë dhe ishte paralajmëruar nga komisionerët. Vëzhguesit, sipas Civilit,kanë vërejtur edhe parregullësi të tjera.
