rindërit e fëmijëve me anomali të lindura të zemrës që kanë hipertension pulmonar kërkojnë nga Ministria e shëndetësisë urgjentisht të që të vendoset ilaçi bosentan në listën pozitive, në të kundërtën fëmijët do të humbin betejën për jetë. Të lënë që të gjinden ashtu siç dinë dhe munden në muaj për ilaçin ndajnë edhe deri në 3000 euro. Pas vdekjes së një pacienti të rritur me të njëjtën diagnozë, janë paraqitur dy prindër të fëmijëve për të cilët ilaçi është i domosdoshëm dhe të cilin e pranojnë me vite, informon Telma.
Ata janë të shkatërruar financiarisht. Kërkojnë ndihmë nga shteti. Problemi tek ata është që fëmijët i kanë me diagnozë primare kardiologjike, ndërsa hipertensioni është sekondar dhe për atë arsye privatisht obligohen që të blejnë ilaçin nga shtete të tjera. Një prind i fëmijës nga Kumanova u shpreh se ballafaqohet me rrezik nga komplikimet dhe pamundësia për intervenime kirurgjike. Shoqata për sëmundje të rralla “Jetë me sfida”, apelon urgjentisht të zgjidhet problemi dhe të ketë furnizim të ilaçit. E palejueshme është që të shërohet sëmundja primare, e ndërsa ajo sekondarja të mbetet e patrajtuar.
Ministri i shëndetësisë, Venko Filipçe thotë e ka trashëguar këtë problem. Ai premtoi se do të angazhohet për furnizim të bosentinit. Filipçe paralajmëroi se së shpejti do të revidohet lista me barëra. Ai është i bindur se problemet do të tejkalohen pasi që të fillojë të funksionojë partneriteti privat për kardiokirurgji për fëmijë ku në një vend do të ketë kontroll për gjendjen shëndetësore për secilin pacient.
