Ministri I shëndetësisë Venko Filipçe pranoi se numri i të infektuarve me Covid – 19 është rritur tre ditët e fundit, dhe se po bëhen analiza për të detektuar shkaqet.
Ai thotë se të gjithë e kemi vështirë, por duhet t`u përmbahemi masave preventive, situata përkeqësohet për shkak të mosrespektimit.
“Është e vërtetë që numri i vdekjeve si rezultat i Covid-19 është rritur në ditët e fundit, në tre ditët e fundit. Më parë përqindja ishte 6.5, tani është rreth 8.Janë duke u zhvilluar analiza për shkaqet që çuan në rritjen e numrit të të infektuarve dhe të vdekurve me Covid-19. Në fillim të javës së ardhshme, ne do të dimë se cila është arsyeja dhe për atë dhe nëse duhet bërë diçka shtesë”, tha sot ministri i Shëndetësisë, Venko Filipce.
