Kida publikoi në mesnatë këngën e re.
Kida publikoi këngën e re me titull “Edhe sa”, të cilës ia bashkëngjiti edhe videoklipin.
Kënga është me tekst të reperit Mozzik, ndërsa u punua nga Mixey dhe natyrisht e sjell të kënduar me një zë unik Kida.
Videoklipi i kësaj kënge u punua në atë mënyrë që të duket sikurse film i metrazhit të shkurtër, pjesë e të cilit janë edhe Arta Elezaj, Kejvina Kthella dhe Megi Pojani.
Nuk munguan komentet pozitive të fansave dhe të kolegëve të artistes, por tek këta të fundit, njëra duket se e ‘thumboi’ Kidën.
Bëhet fjalë për Dafina Zeqirin, e cila ripostoi këngën “Million Dollar” dhe shkruan “Më thuaj diçka të re? Gjithmonë mendoni dy hapa përpara vajza.. në gjithçka, me çdokënd.”
Por, e vërteta doli të jetë ndryshe, ngase më pastaj Dafina postoi këngën e Kidës në Instagram, duke treguar mbështetjen për të.
