Presidentja Gordana Siljanovska Davkova për momentin nuk planifikon të thërras Këshillin Kombëtar të Sigurisë lidhur me informacionet për ekzistimin e indicieve për destabilizim të shtetit. Paralajmëroi se seancë e Këshillit mund të mbahet pas kompletimit të Këshillit, ndërsa temat, siç theksoi, do të jenë ajo për çka sot debatohet globalisht edhe në Evropë, ndërsa ajo është se ku po shkon dhe çka po ndodh në botë.
“Indiciet për destabilizim janë një gjë, kërcënimet për destabilizim janë tjetër gjë, por realiteti është ndryshe. Unë thashë se nuk do ta mbledh Këshillin sepse mendoj se në këtë kohë kur duhet të përballemi me zjarret si fatkeqësi natyrore, përballemi edhe me kërcënime të tjera nën thonjëza. Nuk shoh se këto kërcënime janë realitet për momentin”, deklaroi Siljanovska Davkova, duke iu përgjigjur pyetjeve të gazetarëve në Ohër, ku mori pjesë në hapjen e Shkollës Verore të 57-të të Seminarit Ndërkombëtar për gjuhën, letërsinë dhe kulturën maqedonase pranë Universitetit “Shën Cirili dhe Metodi” – Shkup.
Për këtë, thotë, nuk ka për qëllim të thërrasë mbledhje të Këshillit të Sigurisë, por kjo mund të ndodhë pas riekipimit të tij.
“Mendoj se është mirë që një anëtar të jetë dikush që nuk ka lidhje me politikën dhe partitë, por është ekspert për ndryshimet klimatike dhe mbrojtjen e klimës, dhe kjo tashmë është rënë dakord. Tjetri duhet të jetë ekspert i integrimit evropian, sepse gjithçka që bëjmë është e lidhur me kthimin tonë në Evropën ku i përkasim. Dhe i treti duhet të jetë një ekspert i globalizimit, i cili nuk është më vetëm amerikanizim, por ne shohim një botë shumëpolare, ndërsa po përballemi edhe me luftë që është një disfatë për mbarë njerëzimin dhe mbarë botën, sepse projekti evropian është gjithashtu një projekti i paqes, KB-ja është projekt paqësor”, tha Siljanovska Davkova. Paralajmëroi se pas kompletimit të Këshillit të Sigurisë do të thërrasë mbledhje që të debatohet për atë për çka sot e gjithë bota e shqyrton – ndërsa ajo është ku po shkon bota, çka po ndodh sot, temë e cila këtë vit do të jetë kryesore edhe në Asamblenë e Përgjithshme të KB-së, për paqen, sepse, siç bëri të ditur, “të premtojmë paqe të përhershme, ndërsa të përballemi me luftë në shekullin 21 është humbje për njerëzimin dhe idenë paqësore të KB-së”.
