BBC shkruan se do të zhvillohet raundi i dytë i bisedimeve mes përfaqësuesve të qeverisë ruse dhe ukrainase. Të hënën pati një takim mes palëve, por pa rezultate.
Një delegacion rus thuhet se po shkon në një pikë takimi për bisedime, kjo sipas agjencisë së lajmeve Belta të Bjellorusisë.
Ende nuk është bërë e ditur se kur dhe ku do të zhvillohen bisedimet.
Më herët, agjencia shtetërore ruse e lajmeve Tass raportoi se zëdhënësi i Kremlinit Dmitry Peskov ka thënë se Rusia kishte një delegacion të gatshëm për të vazhduar bisedimet.
Dhe këshilltari presidencial ukrainas Olexiy Arestovych tha më herët për Suspilne TV se bisedimet do të zhvillohen.
“Unë mendoj se gjërat do të mbeten të njëjta. Asgjë nuk do të ndryshojë. Ne do t’i qëndrojmë qëndrimit tonë”,-është shprehur ai.
